Komprensiv dwar l-Integrazzjoni Pożittiva, l-Assimilazzjoni u ż-Żamma ta’ Ħaddiema Barranin fi ħdan il-Ministeru għas-Saħħa F’Malta

Is- Servizzi ta’ Konsulenza dwar il-Marketing (MAS) kienu inkarigati biex iwettqu riċerka f’isem it-Taqsima tal-Ġestjoni tan-Nies fi ħdan il-Ministeru għas-Saħħa (MFH) skond is- sejħa għal ‘Tender għall-Kummissjoni ta’ Studju Komprensiv dwar l-Integrazzjoni Pożittiva, l-Assimilazzjoni u ż-Żamma ta’ Ħaddiema Barranin fi ħdan il-Ministeru għas-Saħħa (MFH) f’Malta – CFT017-0162122 (CPSU 2348/21)’.

L-għan ta’ dan l-istudju kien li jidentifika kwistjonijiet u fatturi li jkollhom impatt pożittiv u/jew negattiv fuq l-attrazzjoni, l-integrazzjoni u ż-żamma ta’ ħaddiema barranin fil-qasam tal-kura tas-saħħa impjegati fi ħdan l-MFH.